Chrome silencia os vídeos que se reproducen de xeito automático

Coa última versión de Chrome os vídeos en reprodución automática manterán o seu comportamento, pero o son figurará silenciado de xeito predeterminado para evitar molestias

A primeiros de ano o navegador web Google Chrome introducía unha funcionalidade moi práctica que consistía na posibilidade de silenciar sitios web, de xeito que evitabamos as molestias das reproducións de audio e vídeo de xeito automático, pero co lanzamento da última actualización do navegador, que chega á súa versión 66, temos unha evolución realmente magnífica desta funcionalidade, de xeito que xa non será preciso que teñamos que ser proactivos para gozar da mesma, e Chrome silenciará automaticamente os vídeos que se reproduzan sen intervención do usuario coa excepción de sitios web nos que no pasado gozásemos do vídeo con certa frecuencia (como YouTube).
Esta funcionalidade, moi de agradecer no escritorio e en contornos profesionais, non queda aí, senón que tamén chega á versión móbil de Chrome, limitando así a molestia do son de vídeos que entran en reprodución sen intervención do usuario.