Economía lanza unha nova versión da ferramenta para xestionar a nosa RSE
luns, 22 de xaneiro do 2018
A
Consellería de Economía e Industria vén de renovar a ferramenta
Xunta PRO-RSE, un recurso tecnolóxico que, entre outras cousas,
posibilita que xestionemos de balde a nosa política empresarial de
Responsabilidade Social Empresarial (RSE), achandando o camiño para
a realización de diagnoses, memorias e informes. A renovación da
ferramenta deu como resultado a terceira versión da aplicación, que
abrangue novas funcionalidades co nexo común de mellorar a nosa
estratexia empresarial de xeito sinxelo, integrando accións de RSE e
a relación das empresas cos nosos grupos de interese. Entre as
melloras concretas que ofrece esta actualización figura a adaptación
ao novo estándar GRI Standards, creando novos indicadores e
adaptando os anteriores.
Ao mesmo tempo, a nova versión de Xunta PRO-RSE
inclúe os 17 Obxectivos do Desenvolvemento Sustentábel da ONU
(ODS). Trátase dun novo módulo da ferramenta dixital que permite
facer unha análise da achega cos principios dos ODS. “Deste
xeito”, informa a Consellería, “o software Xunta PRO-RSE
convértese nunha solución clave para as empresas responsábeis que
queiran facer unha xestión áxil, eficiente e intuitiva da súa RSE
co obxectivo de reportar resultados, facer controis de progreso e os
indicadores determinantes da boa marcha da empresa”.
A ferramenta está a disposición dos nosos
galegos na web https://rse.xunta.gal.