Escolas do Reino Unido desmantelan as redes Wi-Fi por medo ás radiacións

Ó igual que acontece en España, onde segue viva a discusión sobre os supostos efectos negativos das antenas de telefonía móbil para a nosa saúde, en Reino Unido a polémica sobre as ondas das infraestruturas de telecomunicacións recrúese, máis cunha certa particularidade: non son as antenas de móbiles as que están no centro da discusión, senón as das redes sen fíos Wi-Fi.
De feito, tan intensa é a alarma social que algúns colexios do país procederon xa a desmantelalas, co argumento de que desta maneira evítanse posibles consecuencias negativas para a saúde dos cativos.
A decisión destes centros educativos non fan máis que reflectir a preocupación dos pais dos alumnos ante as emisións de ondas Wi-Fi, que (sinalan) poden derivar en problemas como a fatiga, a perda da concentración, dor de cabeza, faltas de conduta ou, no peor dos casos, ata en doenzas como o cancro.
Aínda que polo momento non hai evidencias científicas do dano, algúns expertos opinan que os nenos poden ser vulnerables á radiación destas ondas debido á fraxilidade dos seus cranios e ó seu sistema nervioso aínda por desenvolver, polo que algunhas escolas daquel país xa buliron para retirar as antenas como medida de prevención.