Este 18 celébrase na Industriosa (Vigo) unha nova edición das Katas de Rust

O vindeiro sábado 18 de marzo volven as Katas de Rust da Industriosa na súa sede de Vigo. Será a segunda edición dun ciclo que ten o obxectivo de facilitar o traballo das persoas interesadas en facer programación integrada mentres aproveitan os conceptos de nivel superior e as garantías de seguridade que achega a linguaxe Rust.
A sesión terá os seguintes horarios:
- 9:30 - 10:00 -> Almorzo nas Ramblas (pegada ao taller)
- 10:00 - 12:00 -> Pair-programming de prototipo dende a última kata.
- 12:00 - 13:30 -> Presentación dos problemas encontrados na última kata.
- Problemas de targets (Esp e STM32)
- Problemas co embedded-hal
- Configuración editor.
- 13:30 - 14:00 -> Recapitulación e votación da presentación do seguinte tema.
As Katas de Rust son un espacio onde varios desenvolvedores traballan xuntos nun problemas especifico sobre Rust, abordando unha introdución ao final da sesión centrada en como mellorar os proxectos dos usuarios. Estas actividades formativas están lideradas por Eloy Coto, enxeñeiro de software en Red Hat. A participación é de balde e pódese facer a inscrición a través de Meetup.
Evento patrocinado por Xunta de Galicia e a Axencia para a Modernización Tecnolóxica (AMTEGA).