Este venres preséntase en Vilagarcía unha nova plataforma social baseada na Internet

O vindeiro venres o auditorio de Vilagarcía de Arousa acollerá a presentación de SocialTrend, plataforma social en liña, con vocación internacional, que nese mesmo momento estreará a súa versión de proba, agardándose o lanzamento oficial do servizo o vindeiro mes de febreiro.
Este proxecto, que conta con investidores galegos, italianos e suízos, aspira a ter unha implantación comercial en 43 países e superar os 100.000 usuarios no lanzamento da súa versión oficial, aínda que haberá que agardar ao vindeiro venres (xornada que moitas compañías están a elixir para organizar actividades por ser o 11-11-11) para coñecer máis detalles desta iniciativa da que poderemos seguir o seu nacemento en directo a través de streaming.

Vídeo promocional do lanzamento de SocialTrend