Europa impide a compra de iRobot por parte de Amazon

luns, 29 de xaneiro do 2024 Marcus Fernández

En agosto de 2022 Amazon sorprendeu o peche dun acordo para a adquisición de iRobot, a popular compañía dos robots aspiradora da serie Roomba, quedando pendente a compra da aprobación dos organismos reguladores, algo que na Unión Europea non conseguiron, polo que agora teñen rachar o acordo anterior.
Dende iRobot láianse dicindo que a adquisición podería terlles aberto as portas a máis innovacións e a unha oferta máis competitiva para os consumidores, á vez que melloraría a súa posición nun competitivo mercado global.
Amazon pola súa banda, pagará unha cantidade previamente acordada a iRobot por non ter completado a operación, como compensación polos posibles prexuízos causados.
Pese a que as dúas compañías estean molestas pola postura dos reguladores europeos, a Comisión Europea vía claro que a compra de iRobot por parte de Amazon podería supor un duro golpe para a competencia do mercado de robots aspiradores na Unión Europea, xa que podería reducir a visibilidade dos robots doutras marcas, dar prioridade aos produtos de iRobot nas vendas e incluso provocar unha subida dos prezos dos produtos da competencia, pois terían que facer un maior esforzo para chegar aos consumidores (especialmente a través de Amazon).

PUBLICIDADE