Gearbox anuncia oficialmente Borderlands 3

Tras varias entregas de moito éxito Gearbox confirma estar a traballar en Borderlands 3, xogo do que polo momento non dan detalles sobre a data de lanzamento nin as plataformas para as que estará dispoñible, pero que semella que veremos antes dun ano, aínda que co vídeo de presentación do xogo tamén apuntan a que o vindeiro 3 de abril darán máis detalles sobre o mesmo na súa páxina web oficial.
A data do 3 de abril non é casual, senón que tamén será na que a recompilación Borderlands: The Handsome Collection reciba unha actualización para PC, Xbox One X e PS4 Pro que incluirá novas texturas para que os xogos luzan magníficos en ultra alta definición con HDR; e saia á venda edición Xogo do Ano de Borderlands para Xbox One, PS4 e PC.