Inaugurada a nova edición da feira Culturgal en Pontevedra

A cultura galega en todas as súas vertentes está este venres 30 -e ata o vindeiro domingo día 2 de decembro- de celebración, pois na mañá de hoxe daba comezo o Culturgal en Pontevedra. Así, esta Feira das Industrias Culturais, con centro de operacións no Pazo da Cultura de Pontevedra, ten detrás da súa organización á Asociación Culturgal da que forman parte: a Asociación Galega de Editores (AGE), a Asociación Galega de Empresas de Artes Escénicas (Escena Galega), a Asociación Galega de Produtoras Fonográficas (AGAPHONO), Empresas Galegas Adicadas a Internet e ás Novas Tecnoloxías (EGANET) e a Asociación Galega de Produtoras Independentes (AGAPI). O Culturgal ten previsto un programa de arredor de 200 actividades abertas e gratuítas que abranguen todos os recunchos da nosa cultura: música, cinema, literatura, teatro, danza, circo, audiovisual, tradición oral, monicreques. Asemade, tal e como vimos sinalando a longo dos días pasados, haberá unha boa ración de novas tecnoloxías aplicadas á promoción cultural.
Estas actividades estarán espalladas en varios espazos como é o caso do Patio, onde se poderán ver máis de 18 actuacións musicais e teatrais en directo; ou o Garaxe, zona dedicada ás novas tecnoloxías e proxectos audiovisuais. Ou o Salón, onde haberá cabida para a presentación de máis de 26 libros, proxectos editoriais e debates, alí estarán Manuel Rivas (coa súa novela Voces Baixas), Luís Tosar (coa súa película Operación E), Ignacio Escolar (co seu libro 31 Noites ou Felipe Caballero) e daranse a coñecer as dúas publicacións sobre a obra e figura de Roberto Vidal Bolaño. Asemade, tamén haberá un lugar axeitado para os máis pequenos, será o Cuarto do Nenos.
Cómpre informar que as prazas para o Foro Profesional do Culturgal están esgotadas, aínda que as inscricións á mesa redonda Compartindo Multiplicamos. Mesas de traballo para Axentes Culturais, e a xornada de Ferramentas TIC e Multimedia nas Aulas (Iniciativas, Experiencias e Obradoiros) xa están pechadas, existen preto de 15 actividades máis para os profesionais de todos os sectores da cultura.
No Culturgal deste ano tamén hai novidades, salientamos o Stand de Público, un lugar ideado por María Yáñez e Illa Bufarda para escoitar a opinión do público en canto a cultura galega, criterios que serán emitidos en pantallas da feira, sendo os vídeos resultantes difundidos a través das redes sociais. Outra nova aposta é o Espazo Autobombo, no que calquera poderá presentar o seu proxecto.
Programa do venres
· 10h: Compartindo multiplicamos. Mesa de traballo para Axentes Culturais. (No Estudio)
· 11h: Baobab Teatro: Contos para ti. (No Cuarto dos Nenos)
· 11h: ORAL: Obradoiro de regueifas. (No Cuarto dos Nenos)
· 11h: Viravolta: Titerehop. (No Cuarto dos Nenos)
· 11h: Acto Inaugural
· 12h: Babaluva: Lume. (No Cuarto dos Nenos)
· 12h: Linho do Cuco: Mini concerto vermú. (No Patio)
· 12h30: Marcos Calveiro con club lectura biblio escolar. (No Salón)
·12h30: Presentación oficial Tolemias, canle de música. (No Garaxe)
·12h30: Stand de O Faiado Producións: A Máquina do Tempo. Encontro presentación cos autores. (No Salón)
· 13h00: Presentación de proxecto de innovación audiovisual na CRTVG. (No Garaxe)
· 13h15: Stand de Xerais: Marcos Calveiro asina exemplares de "Palabras de auga". (No Salón)
· 13h30: Presentación MICA 2013-Mercado de Industrias Culturales Argentinas. (No Salón)
· 14h00: Rolda de prensa Ponte nas Ondas, libro cd "Na Ponte". (No Cuarto dos Nenos)
· 15h00: Os sete magníficos máis un. Obradoiro de iniciación ao clown para formadores/as. (No Obradoiro)
· 17h00: Patasdepeixe: Cociña extraterrestre. (No Cuarto dos Nenos)
· 17h00: Revista Núa de Artes Escénicas. (No Garaxe)
· 17h00: Balakandra: Balakandra. (No Patio)
· 17h00: Aurora Marco: María Teresa Alvajar López. Memorias dunha republicana. (No Salón)
· 17h30: María López Sández: A forma das nubes. (No Salón)
· 17h30: GalApps: Toda a lingua no teu peto / Imos?: A guía social máis xenuína de Galicia. (No Garaxe)
· 17h30: Stand de O Faiado Producións: A Máquina do Tempo. Encontro presentación cos autores. (No Salón)
· 18h00: Pepe Carreiro: Cousas de cans. (No Cuarto dos Nenos)
· 18h00: Ramón Caride: Sarou / Louzós. (No Salón)
· 18h00: Erin (Comando Katana): El Trapicista. (No Patio)
· 18h00: Encontro con Axentes Artes Escénicas da Lusofonía. (Na Cociña)
· 18h00: Stand de Unima Galicia: Contacontos. (No Patio)
· 18h30: Galaxia Cómics. (No Garaxe)
· 18h30: Lorena López Cobas: Historia da música en Galicia. (No Salón)
· 18h30: Mesa redonda: O director e os dereitos de difusión cultural. (No Estudio)
· 18h30 Stand de Rinoceronte: Ignacio Escolar asina exemplares de 31 noites. (No Salón)
· 18h30: Stand de Xerais: Ramón Caride asina exemplares de "Sarou/Louzós". (No Salón)
· 19h00: Asacocirco. Na Praza da Ferrería. (Na cidade)
· 19h00: Cultcities. O uso dos datos na xestión de públicos culturais. (No Garaxe)
· 19h00: Stand de Airapro: Os compoñentes de Heredeiros da Crus, asinan o DVD en directo Heredeiros da Crus, 20 anos. (No Patio)
· 19h00: Os Monicreques de Kukas: O Kikirixote, aventuras e desventuras dun galo de curral. (No Patio)
· 19h30: Caramuxo Teatro: Ñam. (No Cuarto dos Nenos)
· 19h30: Gustavo Pernas Cora: Tres Logomonos: Colgados, Pisados, Snakizados. (No Salón)
· 19h30: Nasas Social & Media. (No Garaxe)
· 20h00: Conversas de salón: Alberto Ramos con Ignacio Escolar, Xosé Monteagudo e Rexina Vega. (No Salón)
· 20h00: Inversa Teatro: Kamouraska, un lugar para crear. (No Patio)
· 20h00: Orama. (No Garaxe)
· 20h00: María Inés Cuadrado: A Berenguela. (No Cuarto dos Nenos)
· 20h00: Mesa redonda: O director no audiovisual galego. (No Estudio)
· 20h30: Funboa Escénica: Sigue buscando, a serie. (No Garaxe)
· 20h30: Stands de O Cable Inglés: Os xoves de Códax no Culturgal, con actuación de Primordiais. (No Garaxe)
· 21h00: Pinga Teatro: Casting Tour. (No Patio)
· 21h00: Toques do Caramulo, dentro do ciclo Outonalidades. (No Centro Cultural Novacaixagalicia- Café Moderno)
· 21h00: Stand de Xerais: Rexina Vega asina exemplares de Dark Butterfly. (No Salón)
· 21h45: Cisma Danza. No Centro de Interpretación das Torres Arcebispais (CITA). Artes Escénicas
· 22h30: aCadaCanto, o último proxecto de Xabier Díaz, Guadi Galego, Guillerme Fernández e Xosé Lois Romero. (No Centro Cultural Novacaixagalicia- Café Moderno)
· 23h15: O Fantabuloso Cine Ambulante dos Irmáns Lumieira. (Na casa das Campás. Audiovisual)