Instagram estrea o Superzoom

A poucos días do Halloween dende Instagram quixeron introducir novas ferramentas creativas na súa aplicación móbiles, e aínda que boa parte desas novidades resultasen bastante predicibles (pola súa temática terrorífica) a que foi unha grata sorpresa é a incorporación dun novo modo de gravación na cámara de Instagram: o Superzoom.
Do mesmo xeito que o Boomerang era un xeito divertido de gravar pequenas pezas de vídeo en bucle, o Superzoom é un efecto no que a cámara aplica un zoom na cara do usuario á vez que reproduce unha música de suspense, creando un divertido efecto dramático que pode compartirse en mensaxes directas ou engadir ás historias.
Coa temática de Halloween as novidades limítanse a unha chea de novos filtros faciais terroríficos (que facilitan a transformación en monstros ou en vítimas aterrorizadas) así como un bo repertorio de adhesivos propios desta data tan celebrada nos EE.UU. e que ultimamente ten contaxiado a boa parte do planeta.