Manolo Rodríguez dará as claves para bloguear nun encontro de WordPress Coruña

Mañá terá lugar un novo MeetUp de WordPress na Coruña, encontro previsto inicialmente nas oficinas de Hack a Boss e que finalmente trasládase ao hotel Hesperia na rúa Juan Flórez, onde a partires das 19:00 horas xuntaranse interesados en coñecer máis no xestor de contidos para a web máis empregado a nivel mundial.
Este encontro ten como actividade central un relatorio titulado Vivamos como blogueros, impartido por Manolo Rodríguez, xornalista e responsable da estratexia en redes sociais do xornal La Opinión A Coruña, que tamén ten unha longa experiencia co seu blog Desenredando la red.
No relatorio abordaranse temas como a redacción de titulares dun blog para conseguir incrementar as lecturas, como escribir un artigo dun blog, que extensión de artigo é a máis recomendable... en definitiva, Rodríguez dará consellos sobre como escribir bos artigos para un blog baseados na súa propia experiencia.