Netflix chega a máis de 2 millóns de fogares españois
venres, 16 de novembro do 2018
A
Comisión Nacional dos Mercados e a Competencia dá conta hoxe de datos extraÃdos
do Panel de Fogares CNMC relativo
ao segundo trimestre de 2018, que recolle que 1 de cada 3 fogares conectados á
Internet usan plataformas de pagamento para ver contidos audiovisuais en liña,
dos que 2,2 millóns corresponderÃan a Movistar+, 2 millóns a Netflix, 950.000 a
Vodafone TV Online e 741.000 a Orange TV. Cómpre matizar que non son cantidades
illadas, pois hai fogares que acceden a varias das plataformas audiovisuais á
vez, sendo posible que un mesmo consumidor sexa, por exemplo, usuario de
Vodafone TV Online, Netflix, Amazon Prime Video (que chega a 656.000 fogares) e
HBO (a 475.000).
- Netflix, pese a ser unha plataforma relativamente nova e de fóra consegue achegarse en penetración á plataforma audiovisual en liña de Movistar
O feito de que Netflix
supere os 2 millóns de fogares en España é todo un fito para a compañÃa,
que confirma a súa consolidación en España e incluso está a ter cada vez máis
peso á hora de producir contidos audiovisuais no noso territorio, tanto con
pelÃculas e series exclusivas como en coproducións (como é o caso de Fariña ou de O Sabor das Margaridas, que tras a súa emisión tradicional na TDT ábrense
ao mundo a través da Rede).
Estes cambios nos hábitos de consumo non afectan só as contidos de pagamento,
senón que tamén en aberto teñen cada vez máis impacto plataformas de vÃdeo á
carta como YouTube (empregado polo 55% dos usuarios), Atresplayer (35%) ou Rtve.es
(30%).