O 2 de decembro o TEDxGalicia dirá adeus en Compostela
luns, 18 de setembro do 2017
A pasada fin de semana, e de xeito excepcional, unha das
grandes citas anuais na nosa comunidade autónoma, o TEDxGalicia, anticipouse á súa venda de
billetes ordinaria e durante o
sábado e o domingo fixo abriu o seu despacho de billetes virtual para que
os máis fieis seareiros do encontro puidesen asegurar a súa asistencia, á vez
que tamén sortearon
un par de entradas dobres entre a audiencia do programa Lambóns Dixitais da
Radio Galega. Rematada esta acción, confÃrmase agora que será o 1 de
outubro o dÃa no que se abrirá oficialmente a venda de billetes para a
derradeira edición de TEDxGalicia, que desenvolverase o 2 de decembro na Cidade
da Cultura de Galicia.
Si, este encontro que naceu a finais de 2010 no Centro Galego de Arte Contemporánea,
e pasou por varias localidades galegas (Ourense, Pontevedra e Carballo), dirá
adeus finalmente en Compostela, pechando asà unha traxectoria de grande éxito
de convocatoria no que a TecnoloxÃa, o Entretemento e o Deseño (palabras que
compoñen a marca TED) serviron de desculpa para dar a coñecer proxectos e
iniciativas e fomentar a reflexión sobre diferentes problemáticas, á vez que
moitos atoparon a motivación para emprender.
AÃnda que falamos dun evento que se desenvolve durante unha xornada nun enclave
fÃsico, estes encontros son só unha ferramenta que serve para a gravación dos
relatorios que compoñen cada edición, xa que o auténtico obxectivo dos eventos
TED é a divulgación das mensaxes rexistradas de xeito audiovisual a través de
plataformas en liña como YouTube, favorecendo asà a difusión das mensaxes e a
creación de coñecemento.
Polo momento non se coñece o cadro de relatores da vindeira edición de
TEDxGalicia, pero iso non impide que os asistentes habituais xa se lanzasen a
adquirir os seus billetes para poder acudir ao que consideran unha cita anual
imprescindible, que serviu tamén para fomentar un formato de evento que
proliferou na nosa comunidade, de xeito que agora é máis doado atopar foros
dende os que lanzar mensaxes sobre temas tan variados como a lingua galega ou o
emprendemento rural.