O último disco de Nine Inch Nails aproveita a Rede para a súa promoción e venda

Nine Inch Nails, o grupo musical de Trent Reznor, sorprendeu cun orixinal método para lanzar o seu novo disco Ghost I-IV composto por 36 cancións, pois permiten descargar de balde Ghost I (os 9 primeiros temas) a través da Internet, podéndose descargar o resto de temas tralo pago de 5 dólares.
As descargas do disco corresponden a ficheiros en formato MP3 a 320 Kbps, achegando unha elevada calidade de son e recollendo a obra baixo licenza Creative Commons (permitindo a súa distribución para fins non comerciais).
Paralelamente tamén permiten encargar a nova obra en formato físico, incluíndo unha edición de ultra-luxo en disco de vinilo a 300 dólares (limitada a 2.500 copias) que se esgotou nun par de días. As edicións non limitadas corresponden a unha edición ordinaria en CD a 10 dólares e outra de luxo a 75 dólares. Vendo estas cifras podemos entender que o negocio saíu redondo pese á crise da industria discográfica.