OpenAI despide abruptamente a Sam Altman

A cara visible de OpenAI, compañía detrás do ChatGPT, era até o momento o seu director xeral, Sam Altman, a quen veñen de expulsar do seu cargo e da directiva da compañía, para que pase a ocupar temporalmente o seu posto o director de tecnoloxía Mira Murati.
O anuncio de OpenAI dá a entender que Altman mentiu á xunta directiva até o punto de facerlle perder a confianza na súa persoa, aínda que non detallan o acontecido, e limítanse a agradecer as achegas de Altman á fundación e ao crecemento de OpenAI.
A compañía cre que Mira Murati poderá desenvolver as funcións de dirección competentemente, aínda que deixan claro que só estará á fronte de OpenAI durante o período de transición antes de adoptar unha nova dirección.
Resulta bastante rechamante que aconteza algo así no que semella ser o mellor momento de OpenAI, cunha forte alianza con Microsoft e unha presenza visible en cada vez máis produtos e servizos da súa tecnoloxía de intelixencia artificial.