Os 5 primeiros xogos de Assassin’s Creed recompílanse nunha económica colección
venres, 4 de outubro do 2013
Ás portas do lanzamento de Assassin’s Creed IV: Black Flag dende Ubisoft decidiron preparar un
impresionante lote recompilatorio coas 5 primeiras entregas da saga, Assassin’s Creed: Heritage Collection,
que sairá á venda o vindeiro 8 de novembro para Xbox 360, PlayStation 3 e PC a
un prezo aproximado de 50 euros, o que supón unha excelente oportunidade para
poder gozar das historias de Altaïr Ibn-La’Ahad durante a Terceira Cruzada,
Ezio Auditore no Renacemento Italiano e Connor na Revolución Estadounidense
como anticipo da nova entrega desta franquía.
Os xogos incluídos nesta colección son Assassin’s
Creed, Assassin’s Creed II, Assassin’s Creed: La Hermanda, Assassin’s Creed: Revelations e Assassin’s Creed III, quedando só fóra
os títulos para consolas portátiles e dispositivos móbiles.