Ponteceso inaugura a súa Biblioteca Dixital

A subdelegada do Gobierno na Coruña, María Rivas, acompañada polo alcalde Xosé Lois García, participou este martes 7 de marzo na presentación da Biblioteca Dixital de Ponteceso, que contou coa presenza dos irmáns Bolechas. Grazas á plataforma eBiblio do Ministerio de Cultura, desde a xornada deste martes a Biblioteca Dixital de Ponteceso terá acceso a 8.000 ebooks, 6.000 para público adultos, 2.000 para público infantil e 162 revistas, que tanto as usuarias como os usuarios poderán descargarse de maneira gratuíta en calquera dispositivo móbil.
María Rivas subliñou que “coa plataforma eBiblio, o Goberno ten como obxectivo dotar de igualdade de oportunidades e acceso á cultura a toda a cidadanía con independencia do lugar no que viva, ademais de reducir a fenda dixital”.
Durante a presentación, María Rivas deu os parabén ao Concello por aproveitar os recursos que o Goberno pon ao dispor de toda a rede de bibliotecas públicas españolas.
María Rivas fixo fincapé en que “programas como eBiblio forman parte da aposta do Gobierno de España e da colaboración con todos os municipios sobre todo cos municipios máis pequenos para facer reto á fronte demográfico e á loita contra o despoboamento, fomentando a cohesión territorial”.
Milleiros de libros e revistas
A plataforma dá acceso directo a milleiros de libros e revistas en castelán e algúns títulos en galego. Segundo se explicou na presentación, calquera neno ou nena que traia unha tableta ou libro electrónico poderá marchar con ata sete libros infantís e xuvenís emprestados no seu dispositivo, así como revistas actuais e anteriores na hemeroteca.
"Imos prestar un libro electrónico ás persoas vulnerables que non poidan acceder a mercar o seu propio dispositivo. Todas as persoas van ter acceso á lectura en dixital, e dende o Concello imos impulsar o acceso universal", indicou o alcalde, Xosé Lois García. Entre os títulos que se poderán levar prestados este martes nos dispositivos electrónicos están estes once títulos dos Bolechas:
• Os hábitats
• Os deportes
• Florencio Delgado Gurriarán.
• Xela Arias
• Castelao
• Os Bolechas coidan as mascotas da vecina.
• Ramón Otero Pedraio.
• Rosalía de Castro.
• A música.
• Os Bolechas van nunha nave espacial.
• Como nacemos.
Autor: Pepe Carreiro.