R e Cinfo lanzan unha plataforma educativa en streaming baseada en Intelixencia Artificial

O sistema Edustream xa foi aplicado ás aulas da Universidade da Coruña

As empresas galegas R e Cinfo xuntaron forzas para levar as vantaxes da Intelixencia Artificial aos centros docentes para mellorar as capacidades, as funcionalidades e a operatividade da teleformación. En concreto, a operadora de telecomunicacións e o seu socio tecnolóxico Cinfo lanzaron unha plataforma educativa por Internet (en streaming) para que o profesorado poida dar clases fisicamente dende as aulas e en remoto de deixo simultáneo. Deste xeito, facilitaríase o traballo dos docentes nas clases, que terían conexión directa, en streaming, cos estudantes que se atopan conectados nos seus fogares. E todo isto co engadido extra de contar con alta calidade de vídeo e audio (IA + sistema Live Video).
R e Cinfo salientan que “ao tratarse dun servizo na aula física, o/a mestre/a só ten que pór un micrófono de lapela e xa pode erguerse e moverse pola aula con total naturalidade, ou sentar e escribir”. Pola súa banda, engaden, “as e os estudantes simplemente conéctanse rexistrándose coas súas credenciais, sempre contrastadas na base de datos do cliente, e acceden a unha listaxe de aulas asignadas de entre as que escollen, cun só clic, aquela onde se vaia impartir a clase. en primeira fila, sen descoidos e con calidade á medida”.
A plataforma educativa Edustream conta cun sistema de cámaras de alta calidade, codificadores e micros que “posibilitan o encadre e seguimento do profesorado en todo momento e as capturas de pantalla do proxector ou encerado, tanto dixital como tradicional”, destacan Cinfo e R, engadindo que “o alumnado en remoto asiste á clase coma se estivese sentado en primeira fila da aula”.
Edustream dispón tamén dun sistema que posibilita manter un chat aberto en directo e realizar preguntas, capturas de pantalla, pausar e arrincar de modo sinxelo as clases ou visualizalas tantas veces como se queira a posteriori”.
O sistema pon en xogo a tecnoloxía de streaming HLS multibitrate, que se axusta ao largo de banda
dispoñíbel e aos dispositivos que teña o/a alumno/a, que pode seguir as clases dende o móbil, a tableta, o computador, a TDT ou mesmo unha Smart TV. Polo que respecta ao consumo de banda larga, “regúlase configurando as cámaras avanzadas do sistema e, así, só se utiliza o necesario para as clases activas en cada momento. durante a crise sanitaria e despois dela”, engaden.