R proba a emisión de televisión a través da Rede

Os clientes de R que teñan contratado o servizo de televisión multicanle poderán acceder de balde a unha nova plataforma de emisión de televisión a través da Internet que está actualmente en probas e que inclúe polo momento as canles Gol Televisión, La 1, La 2, Antena 3, Cuatro, Telecinco e La Sexta. O servizo está accesible dende fóra do fogar, aínda que os seus reducidos contidos fan que a súa utilidade sexa bastante limitada.