R suma tres polígonos de Ourense e un de Lugo á súa listaxe de complexos industriais con accesos ultrarrápidos
venres, 17 de febreiro do 2017
O
operador de raizame galega R
segue adiante dotando os complexos industriais da nosa terra con
redes de última xeración que achegan entre outras cousas,
velocidades de até 350 Mbps de baixada, 35 de suba e unha garantía
de caudal do 80% sen límite de descargas. Se hai uns días falabamos
da adhesión á listaxe de polígonos dixitalmente avanzados dos
complexos de O
Campiño (Pontevedra), O Pousadoiro (Vilagarcía de Arousa) e A
Reigosa (Pontecaldelas), agora
a compañía de cable anuncia a incorporación dos polígonos de
Pazos (Verín), O Barco de Valdeorras e A Medua (Carballeda de
Valdeorras), aos que tamén se suma o de Pousada-Lourenzá, na
provincia de Lugo.
Segundo
informa R, as dotacións fornecidas nestes complexos das provincias
de Ourense e Lugo, achegadas a través do Plan de Banda Larga 2020 da
axencia AMTEGA (Xunta de Galicia), permitiralles ás empresas
emprazadas neles “acadar megavelocidades de acceso á
Rede” e “tirar o máximo proveito dos servizos tecnolóxicos de
valor engadido”.
Segundo
engade a operadora galega a respecto destes traballos (dos que é
adxudicataria, inseríndose no marco da primeira actuación do
devandito Plan da Xunta para fornecer acceso a Internet ultrarrápido
a 81 polígonos da Comunidade que a día de hoxe non dispoñen destes
servizos), estes equipamentos son a día de hoxe necesarios para,
entre outras cousas, incrementar a competitividade das nosas
empresas.
Nun
plano máis concreto, os accesos ultrarrápidos poñen ao alcance das
nosas industrias servizos e solucións na nube como por exemplo a
videoconferencia, o acceso á Internet das Cousas (IoT) ou os
procedementos do que se coñece como Industria 4.0, vencellados a
cousas como a eficiencia enerxética, o control de intrusións nas
edificacións, os servidores virtuais e a analítica de datos (Big
Data), entre outros eidos. “Todas estas cousas e outras moitas
máis”, explica a compañía de raizame galega, “son posíbeis
grazas ás vantaxes das redes FTTH (Fiber To The Home) que
levan a fibra óptica ata a propia empresa nestes polígonos xa
conectados ás redes ultrarrápidas de R”.
A
peche de 2016, dezasete dos 81 recintos empresariais galegos
incluídos no Plan ficaron conectados á rede de R. En 2017 sumaranse
34 á listaxe.