Santiago acollerá en xaneiro un seminario para achegar o deseño innovador ás nosas PEME
mércores, 28 de decembro do 2011
- Unha das actividades previas sobre deseño e creatividade desenvolvidas pola DAG
A Asociación Galega de Deseñadores (DAG), en colaboración
coa Escola de Organización Industrial (EOI) e máis a empresa estatal ENISA, vai
organizar na nosa terra un seminario dirixido a tomarlle o pulso á creatividade
dixital, sobre todo a que se aplica no eido corporativo, e aos novos camiños
polos que todo indica que se moverá a curto, medio e longo prazo. O evento,
chamado (R)evolution
Design, ten unha duración de 16 horas lectivas e está dirixido a tódalas
persoas interesadas en crear actividade en calquera ámbito do deseño gráfico e
dixital.
Desenvolverase en dúas xornadas, o 13 e o 14 de xaneiro
de 2012, na GalerÃa Sargadelos de Santiago e en horario de 10.00 a 14 horas
polas mañás e de 16.30 a 20.30 polas tardes.
A inscrición, informa a DAG, é de balde, estando o prazo
para apuntármonos (a través de info@asociaciondag.org) aberto até o 4 de
xaneiro. Os obxectivos do evento pasan por axudar ás nosas medianas e pequenas
empresas a integrar no seu seo novos sistemas e produtos de xestión e deseño
innovador. En concreto, engade a DAG, o seminario permitiralles o seguinte:
· Descubrir dun modo práctico ferramentas básicas para a
innovación empresarial, como o modelo canvas
ou o design thinking.
· Coñecer casos de éxito no mundo do
deseño.
· Propiciar o traballo colaborativo.
· Presentar o programa formativo EOI/ENISA para o mundo
do deseño.
Venres, 13
de xaneiro
Mañá
10.00 - 11.00 h: Benvida e presentación, por Marcos
Dopico, presidente da DAG, e Juan Freire, de Barrabés Formación
11.00 - 12.00 h: A realidade do deseño en Galicia e o
proxecto acción DAG, por Marcos Dopico, presidente da DAG
12.00 - 12.15 h: Descanso
12.15 - 13.15 h: O
proxecto Miúdo, por Anxo López González
13.15 - 14.00 h: DESEÑO e modelos de negocio. Charla.
Juan Freire, de Barrabés Formación
Tarde
16.30 – 20.30 h: Activa a túa innovación. Obradoiro.
Presentaranse conceptos, metodoloxÃas e exemplos que inspiran, con moitos
exercicios prácticos para que os participantes traballen o seu respectivo
modelo de negocio. Impartido por Azucena Elbaile, de Barrabés Formación
Sábado, 14
de xaneiro
Mañá
10.00 - 14.00 h: Deseño para a resolución creativa de
problemas. Obradoiro. Traballo en pequenos grupos no desenvolvemento dun
proxecto de innovación mediante o traballo en equipo e a cocreación. Impartido
por Rafael Zaragozá de Thinkers & Co.
Tarde
16.30 - 20.30 h: Deseño para a resolución creativa de
problemas. Obradoiro (continuación)