Santiago acolleu a primeira demostración práctica do funcionamento da eAdministración
venres, 12 de abril do 2019
O
persoal municipal do Concello de Santiago participou onte nunha
demostración real, a primeira, sobre o funcionamento, posibilidades,
vantaxes e implicacións da Plataforma de Administración Electrónica
que se está a implantar en Compostela. A empresa fornecedora do
servizo TIC explicoulles aos/ás responsables dos departamentos
municipais o funcionamento práctico deste proxecto, en palabras do
Concello, “a iniciativa de modernización máis importante da
historia recente da administración local”.
O
Goberno compostelán tamén informou de que o proxecto de
eAdministración (cuxa primeira ferramenta operativa será a o novo
Padrón) leva parella a mobilización dun orzamento de máis de 1,8
millóns de euros. A plataforma, engade o Executivo, permitirá dotar
ao Concello dunha sede electrónica, dun rexistro electrónico e dun
novo xestor de expedientes. O fin último é “avanzar nos
compromisos en materia de transparencia, axilizar a relación da
veciñanza coa administración e facilitar o desenvolvemento do
traballo por parte do persoal municipal”.