SmartPEME fórmanos en Google Adwords, redes privadas virtuais e técnicas de mercadotecnia
luns, 20 de marzo do 2023
A
Deputación de Pontevedra, a través da iniciativa de formación
tecnolóxica SmartPEME,
oferta cinco novas accións formativas para esta semana laboral do 20
ao 24 de marzo, enmarcadas na súa carteira de obradoiros
online e presenciais para persoas autónomas e emprendedoras,
pequenas e medianas empresas e cidadanÃa en xeral. As accións
tratarán temas como o uso da VPN (redes privadas virtuais), liderado
feminino no sector turÃstico, campañas con Google Adwords, eventos
en liña ou técnicas de mercadotecnia (marketing).
Os
obradoiros darán comezo este luns 20 pola mañá, con
Ciberseguridade, o uso da VPN, que ten por
obxectivo fomentar o uso das VPN, xustificando as razóns para
empregala e o modo en que o seu uso protexe ás usuarias e aos
usuarios. A formación estará impartida por Manuel Freire, experto
universitario en Robótica, Programación e Impresión 3D.
O
martes 21 a partir das 17:00h impartirase Liderado feminino no
sector turÃstico, un obradoiro presencial que se levará a cabo
no punto SmartPEME de Pontevedra (no salón de actos da segunda
planta no Edificio Administrativo da Deputación de Pontevedra). Esta
iniciativa constará de dúas partes comezando, en primeiro lugar,
coa charla de Mar RodrÃguez, directora e xerente de Teetravel, e, a
continuación cun networking aberto a todas as persoas
asistentes.
O
mércores 22 pola mañá, a graduada en Publicidade e Relacións
Públicas, Laura Carrera, impartirá o obradoiro Google Adwords,
como entendelo e crear campañas eficaces I. Esta formación dará
resposta á importancia para os negocios de saÃr como resultado das
procuras en Google e afondará en Google Ads, un programa de
publicidade en liña de Google co cal se poden crear anuncios para
alcanzar o público obxectivo e traballar o posicionamento SEM.
A
semana lectiva rematará o xoves 23 con dúas accións formativas. Na
quenda da mañá, de novo Manuel Freire dirixirá o curso Como
emitir o teu evento en liña de xeito profesional III, centrado
na mellora dos eventos en liña que se levan a cabo e da difusión do
seu contido e, en xeral, de calquera comunicación empresarial en
liña.
Pola
tarde Sonia Torres, técnica de Empresas e Actividades TurÃsticas,
impartirá Técnicas de márketing para a promoción de Tours e
Experiencias, dirixido a empresas turÃsticas que inclúen
diversos servizos de ocio e entretemento para viaxeiros, turistas e
para a poboación local.