Tramitados a distancia máis 600 certificados dixitais dende novembro na provincia Coruña

O Goberno, a través da subdelegada na Coruña, María Rivas, vén de facer balance do acadado na provincia pola iniciativa A Administración preto de ti, posta en marcha a finais do ano pasado en Valdoviño. Segundo fixo saber a subdelegada, o programa itinerante xa percorreu dende novembro 44 dos 67 municipios coruñeses aos que ten previsto chegar. En cada unha destas visitas tramítase o certificado dixital in situ das persoas que acoden. En total, durante estes meses tramitáronse xa 603 certificados dixitais e atendido a 727 persoas.
Desprazamentos do persoal
Cada semana, persoal técnico da Subdelegación do Gobierno desprázase a concellos da provincia, con menos de 8.000 habitantes, onde informa, orienta e liquida todas as dúbidas da cidadanía sobre os servizos dixitais aos que pode acceder.
Durante esta semana A Administración preto de ti visitará os concellos de Lousame o 22 de febreiro, A Baña, o día 23 de febreiro e Pontedeume o 24 de febreiro.
Oportunidade única
A subdelegada do Gobierno na Coruña, María Rivas, anima a todas as veciñas e veciños dos concellos aos que chegue este programa que acudan xa que se “trata dunha oportunidade única para tramitar o certificado dixital, ferramenta clave para poder realizar infinidade de trámites administrativos sen necesidade de desprazarse fóra do domicilio co consecuente aforro de tempo e tamén de diñeiro que isto implica”.
A subdelegada mostrou a súa satisfacción pola receptividade da cidadanía durante estes tres meses nos que o programa percorreu parte do territorio da provincia.
María Rivas incidiu tamén na importancia de dotar de ferramentas dixitais á cidadanía dos concellos máis pequenos para que “poidan realizar desde os seus domicilios trámites básicos como prestacións, pagos de taxas públicas, permisos de conducir ou certificados de vida laboral entre outros”.
María Rivas lembrou que, aínda que na actualidade “as novas tecnoloxías permiten aos cidadáns acceder a multitude de trámites en liña e procedementos electrónicos, este acceso á administración dixital require de medios e coñecementos adecuados no uso de ferramentas tecnolóxicas, algo que a parte da poboación de maior idade resúltalle máis difícil”. Por iso é polo que programas como A Administración preto de ti axuden a resolver parte destas dificultades, dixo.