Unha intrusión nos sistemas da HBO poderÃa permitir filtracións de Game of Thrones
luns, 31 de xullo do 2017
No que vai de ano as intrusións informáticas afectaron
seriamente á industria audiovisual, facilitando a filtración de varios
episodios da serie Orange is the New
Black e incluso levando á Disney a ser vÃtima
da extorsión dos ladróns dunha das súas pelÃculas antes da súa estrea, o
que levou ás compañÃas a tomar moitas precaucións para evitar as filtracións
que puidesen estragar a experiencia de consumo audiovisual dos seus seareiros,
o que conseguiu limitar bastante os efectos das intrusións que puidesen
producirse, pero que non son infalibles, como vén de comprobarse coa máis recente
intrusión que afectarÃa á HBO e poderÃa facer que as tramas dos vindeiros
episodios de Game of Thrones aparecesen
na Internet.
Os responsables do roubo de información aseguran ter 1,5 TB de datos da HBO,
entre os que poderÃa estar o guión do episodio da semana que vén de Game of Thrones, aÃnda que por fortuna
está desbotado o feito de que puidese ser unha copia do propio episodio a que
se puidese filtrar (como si aconteceu en anos anteriores) xa que actualmente a
circulación das copias dos episodios está rigorosamente controlada.
AÃnda que os responsables desta intrusión a definen como «a meirande filtración
da era do ciberespazo», é moi posible que non pase de anécdota, pois simplemente
estragar un par de sorpresas dun episodio en concreto dunha serie de televisión
é algo moito menos importante do xigantesco roubo de datos que padeceu Sony hai
un par de anos, con máis de 100 TB de datos filtrados á Rede, entre os que
habÃa pelÃculas que non se estrearan no cine, estragando completamente a súa
carreira comercial nos EE.UU.
Neste caso a posible filtración resulta de grande interese porque as tramas de Game of Thrones están a ser moi seguidas
e discutidas en liña, especialmente dende o momento no que a serie superou os
acontecementos narrados nas novelas nas que se basea.