Viber permite facer chamadas de voz de balde entre usuarios de iPhone

Os servizos de VoIP son cada día unha maior ameaza para os operadores de telefonía tradicionais, pois permiten que os seus usuarios realicen chamadas de voz sen custo adicional, e agora os usuarios de iPhone poderán gozar dunha nova aplicación para tal uso coma é Viber, que permite realizar chamadas a través da conectividade 3G ou Wi-Fi en combinación co servizo push dos móbiles de Apple, de xeito que as comunicacións estableceranse ao momento sen precisar de que a aplicación estrea en segundo plano no móbil de destino.
Esta aplicación está dispoñible para iPhone, pero no futuro contará con versións para Symbian, Android e Blackberry, á vez que tamén pretenden dotala de novas funcionalidades coma mensaxes de texto, tons de chamada personalizados, xeolocalización…
Aínda que esta aplicación non é tan popular coma Skype, a súa boa integración co teléfono (non precisa de apertura de sesións nin agregación de usuarios) podería mudar a situación entre os usuarios de móbiles de Apple, sendo tamén compatible co iPod Touch e o iPad (aínda que estes dispositivos non están oficialmente soportados).

Explicación do funcionamento de Viber