Vodafone amplía a súa colaboración con Google

Vodafone anunciou os seus plans para ampliar a súa colaboración europea con Google en servizos de mensaxería móbil, dispositivos Pixel e a plataforma de televisión de Vodafone.
Co acordo ampliado entre as compañías os clientes de Vodafone poderán gozar das comunicacións mediante mensaxes RCS (que Google promove como alternativa a outras mensaxerías instantáneas privadas); Vodafone venderá smartphones Pixel 7 aos seus clientes (así como o Pixel Watch e os Pixel Buds) e facilitará o uso do Pixel Watch co servizo OneNumber; e tamén adoptará Android TV como plataforma preferida para a oferta de televisión de Vodafone en 9 países.