Windows 8.1 podería chegar ao público en outubro

Aínda que xa levemos semanas probando a versión preliminar de Windows 8.1 (dispoñible tanto para usuarios domésticos como corporativos) e nos últimos días estean a circular pola Rede copias case finais do que será a vindeira actualización de Windows 8, non se espera que o software estea finalizado ata o remate de agosto, cando prevese que sexa remitido aos fabricantes de hardware para a súa integración nos seus equipos de cara á súa comercialización, pero os usuarios finais teremos que agardar máis para recibir a actualización de balde do último sistema operativo de Microsoft, que posiblemente non recibamos ata o mes de outubro.
Aínda que Microsoft non publicou un calendario ao respecto, espérase que a versión final de Windows 8.1 non estea dispoñible de xeito xeral para a súa descarga ata mediados de outubro, o que permitiría que os equipos que se puxesen á venda tras esa data poidan incluír a nova versión do software (así como algún hardware deseñado especialmente para tal versión do sistema operativo de Microsoft).
Algunhas voces apuntan a que Microsoft podería intentar reducir o tempo entre o envío de Windows 8.1 aos fabricantes e á súa publicación para o usuarios finais ou achegar as novidades de xeito anticipado aos usuarios que xa gozan da versión preliminar, pero haberá que agardar para ver o que fará Microsoft finalmente.