A Internet das Cousas, eixe temático do novo faladoiro dixital do CPEIG
martes, 27 de setembro do 2016
Seguen adiante os novos faladoiros dixitais
destinados a pór de relevo a importancia de formarnos
tecnoloxicamente para acceder as novos e puxantes mercados laborais.
Falamos do programa de actividades 1 mes, 1 profesión dixital,
que vai pola súa segunda edición e que ten un dos seus principais
alicerces na web profesionsdixitais.org.
Segundo informan o Colexio Profesional de EnxeñarÃa en Informática
de Galicia (CPEIG) e a Axencia para a Modernización Tecnolóxica de
Galicia (AMTEGA), o
novo faladoiro desenvolverase o vindeiro 28. Contarase, como
dixemos onte dende Código Cero, coa colaboración do Centro
Tecnolóxico Gradiant.
A xornada abordará a Internet das cousas (IoT nas
súas siglas en inglés) coa participación de expertos na materia e
desenvolverase na sede de Centro Tecnolóxico de Telecomunicacións
de Galicia, Gradiant, no Edificio CITEXVI, local 14, sito no Campus
Universitario de Vigo. Francisco Javier RodrÃguez MartÃnez,
director da Escola Superior de EnxeñarÃa Informática da
Universidade de Vigo no Campus de Ourense e membro da xunta de
goberno do CPEIG, será o encargado da benvida institucional. A
continuación intervirá Juan Manuel Corchado, director do primeiro
master sobre IoT e catedrático da Universidade de Salamanca.
Despois dun breve descanso, falará José Antonio Losas, CTO de
Conexiona. O último relator en intervir no faladoiro dixital
será o xefe de Servizos de Feiraco, o enxeñeiro agrónomo Rafael
GarcÃa Gabeiras. Unha mesa redonda pechará a xornada coa
participación dos relatores e do público.
As persoas interesadas en acudir ao faladoiro
dixital sobre Internet das cousas poden inscribirse xa de balde no
enderezo eventos@cpeig.gal e
tamén través da web profesionsdixitais.org,
onde atoparán máis información do programa e dos relatores.
1 mes, 1 profesión dixital
A campaña 1 mes, 1 profesión dixital desenvolve
a segunda edición durante o presente ano, abordando as oportunidades
profesionais e boas prácticas. O obxectivo xeral é crear conciencia
da necesidade que teñen os cidadáns de mellorar o seu dominio da
tecnoloxÃa da información e a comunicación cara ao emprego. A
iniciativa é froito do acordo de colaboración asinado entre o CPEIG
e a AMTEGA.