Código Cero - Diario Tecnolóxico de Galicia
SPIP | esqueleto | | Mapa do web | Seguir a vida do web RSS 2.0

O CPETIG critica o que considera un novo caso de discriminación da Informática no emprego público


O Colexio Profesional de Enxeñaría Técnica en Informática de Galicia, CPETIG, vén de pór de manifesto o que considera un novo caso de discriminación da profesión nos procesos de selección públicos de persoal. Desta volta, informa o CPETIG, o caso viría da man do Servizo Galego de Saúde (SERGAS), a raíz dunha recente convocatoria para prazas de técnicos de xestións e técnicos especialistas de sistemas e tecnoloxías da información, publicada no DOG o pasado 10 de xaneiro. Nesta convocatoria “ponse de manifesto a evidente discriminación da Enxeñaría Técnica en Informática, fronte ao resto de enxeñarías”, informa o CPETIG.

[ler máis]

Ábrese a inscrición para a vindeira edición de Coruña Bloggers


Os encontros mensuais de Coruña Bloggers retomaranse a semana que vén tras o parón do Nadal na súa nova sede, a Fundación Barrié, que o vindeiro día 25 a partires das 19:30 horas acubillará a un nutrido grupo de profesionais e entusiastas do mundo das bitácoras de Internet que xúntanse para compartir coñecementos e experiencias, contando tamén cunha finalidade solidaria, xa que prégase aos asistentes que acudan cun mínimo de 1 quilogramo de alimentos non perecedoiros para a Cociña Económica da Coruña (confiando en superar en breve a tonelada de alimentos aportados).

[ler máis]

As asociacións de Mos estrean plataforma común de comunicación dixital


O Concello de Mos vén de informar da creación da Rede de Asociacións local e máis da súa ferramenta dixital, “un Facebook de uso común”. A orixe desta iniciativa tecnolóxica está no mes de novembro de 2016, cando a alcaldesa, Nidia Arévalo, e o concelleiro de Novas Tecnoloxías, Óscar Soto, convocaron ás directivas das asociacións do municipio para habilitar “un proxecto común de dixitalización para o tecido asociativo local”. A posta en marcha deste escenario comunicativo compartido confirmouse finalmente a semana pasada.

[ler máis]

DICO Summit 2017 premiará o noso talento novo en materia de creatividade dixital


O encontro DICO Summit 2017, previsto para estes 24 e 25 de xaneiro en Santiago (Cidade da Cultura), será algo máis ca un congreso e un foro para o intercambio de ideas e coñecementos arredor dos contidos dixitais (e as oportunidades que estes contidos abren para o desenvolvemento de múltiples sectores). Será, tamén, un espazo onde visualizar ante o mundo a puxante enerxía creativa dos nosos novos profesionais, vindeiros impulsores do motor tecnolóxico-audiovisual galego. Así nolo contan as entidades organizadoras (AMTEGA, Clúster TIC e CLAG), que complementaron o programa de relatorios, paneis e demostracións coa convocatoria do concurso de ideas Na busca do talento dixital. Con el, búscase distinguir e recoñecer a creatividade e a orixinalidade de propostas de novos produtos e servizos ligados aos contidos dixitais.

[ler máis]

Proseguen as xornadas sobre simulación e Industria 4.0 impulsadas por GAIN, CESGA e CIS Galicia


A cita en Ferrol sobre cómputo e simulación, celebrada o pasado 1 de decembro na sede de CIS Galicia, está a ter continuidade en diferentes recantos da nosa terra ao longo deste mes de xaneiro e, tamén, de febreiro. Así nolo contan os organizadores (GAIN, CESGA e CIS Galicia), recalcando que se trata dunha xira informativa con profesionais e PEME dirixida a amosar as posibilidades do cálculo avanzado para atoparmos xeitos de sermos máis rendíbeis, áxiles, eficaces e sustentábeis nos procesos de produción.

[ler máis]

DICO Summit 2017 xuntará nun dos seus paneis a catro especialistas referenciais en realidade virtual

Un exemplo da actividade desenvolvida por Studio Distract
Seguimos a falar do gran evento tecnolóxico-audiovisual da tempada, tanto a nivel galego como estatal, o congreso DICO Summit 2017 que se celebra o días 24 e 25 de xaneiro no edificio CINC da Cidade da Cultura xirando arredor da potencialidade dos contidos dixitais. Se os días pasados incidimos nos obxectivos xerais do evento, paseniño pero sen pausa as entidades organizadoras (Clúster TIC de Galicia, Clúster Audiovisual de Galicia e axencia AMTEGA) vannos desvelando detalles concretos sobre o programa. Un programa, por certo, de gran interese para os profesionais dos dous sectores maioritariamente implicados, o audiovisual e as novas tecnoloxías da información, pero tamén para estudantes e representantes dos múltiples eidos de actividade empresarial onde os contidos dixitais poden bater forte e incentivar competitividade (literalmente todos os sectores). Segundo vén de informar a organización, o programa contará coa presenza de catro especialistas internacionais e animación, videoxogos e realidade virtual. Intervirán ao abeiro do panel Os contidos dixitais gañan a partida.

[ler máis]

Orange dotará aos centros educativos galegos de conexións á Rede a até 500 Mbps


O presidente da Xunta, Alberto Núñez Feijoo, recibiu hoxe ao conselleiro delegado de Orange España, Laurent Paillassot, quen lle explicou as principais iniciativas do operador en Galicia, entre as que destacou o despregamento de redes ultrarrápidas en 820 centros educativos públicos da Comunidade, responsabilidade de Orange tras resultar a empresa adxudicataria da iniciativa Escolas Conectadas, que se desenvolve grazas á colaboración entre a AMTEGA, a Consellería de Cultura, Educación e Ordenación Universitaria, o Ministerio de Educación, Cultura Deporte e Red.es, que é o órgano de contratación.

[ler máis]

For Honor celebrará unha beta pechada a finais de mes


O 14 de febreiro Ubisoft porá á venda para Xbox One, PS4 e PC o esperado xogo For Honor, un título de loita competitivo en terceira persoa que combina velocidade, estratexia e colaboración con combates viscerais e que chama poderosamente a atención por permitir o enfrontamento de viquingos, samurais e cabaleiros medievais, permitindo que o usuario sexa capaz de sentir a potencia de cada golpe, a forza dos impactos e o peso das armas, introducíndoo dun xeito inédito na acción.

[ler máis]

Obama despídese da Casa Branca cunha visita en realidade virtual


O presidente dos EE.UU., Barack H. Obama, está a despedirse do seu posto a través de moitas canles, entre as que non quixeron que faltase a realidade virtual, de aí que veñan de estrear un vídeo en 360 graos publicado en Facebook no que podemos ver ao presidente cesante falando da Casa Branca e achegando unha pequena visita por moitas das estancias históricas do edificio presidencia, como o Despacho Oval ou a Sala de Situacións.

[ler máis]

Foz presenta aplicación turística para dispositivos móbiles

Presentación da ferramenta para dispositivos móbiles Looking Foz/ Imaxe de Cronica3.comO Concello de Foz deu a coñecer hoxe unha ferramenta para móbiles chamada Looking Foz e dirixida a impulsar o turismo e a hostalería local. A aplicación, entre outras moitas cousas, posibilita achar roteiros xeolocalizados, datos de actividades, informacións de utilidade sobre o que visitar e onde comer e durmir e celebracións ou avisos do Concello en tempo real. A ferramenta móbil forma parte dunha iniciativa de promoción máis ampla, desenvolvida baixo e epígrafe O teu destino A Mariña. Foz o teu punto de encontro. Nesta campaña tamén se insiren unha serie de pezas audiovisuais para dar a coñecer os atractivos do concello mariñán no mundo. A app estará dispoñíbel para móbiles con Android e iOS.

[ler máis]

A Fundación Telefónica porá en marcha este ano 140 novas Lanzadeiras de Emprego


As fundacións Telefónica e Santa María A Real veñen de anunciar novas palestras de formación innovadora para favorecer a empregabilidade da xente nova. Trátase da vindeira posta en marcha de 140 Lanzadeiras de Emprego en todo o territorio estatal, incluída a nosa terra (onde xa houbo edicións previas destas iniciativas, máis polo miúdo en Ourense e en Arteixo, Lugo, Marín, Redondela e Santiago). As 140 novas lanzadeiras servirán “para axudar a 2.800 persoas desempregadas de diferentes idades e colectivos a reforzar as súas habilidades laborais e coñecer novas ferramentas e tecnoloxías de empregabilidade”. As academias-aceleradoras galegas arrincarán a súa actividade en abril e máis en novembro.

[ler máis]

Denuncian a existencia dunha suposta porta traseira en WhatsApp


O pasado mes de abril WhatsApp puxo fin ás dúbidas sobre a súa seguridade ao pór en funcionamento un novo sistema de cifrado das comunicacións (Signal) implantado por Open Whisper Systems, o que faría que nin a propia compañía puidese coñecer os contidos das mensaxes intercambiadas a través da célebre ferramenta de mensaxería instantánea, pero a implementación podería non ser tan robusta como debería, e estase a alertar da existencia dunha importante vulnerabilidade no sistema que pode considerarse como unha porta traseira, de xeito que tanto Facebook como outras compañías poderían interceptar e ler mensaxes cifradas de WhatsApp.

[ler máis]

Gran presenza das TIC entre as 70 firmas que optan ao premio empresarial da Deputación da Coruña

O presidente da Deputación da Coruña, Valentín González
A Deputación da Coruña convocou a primeira edición do Premio á mellor iniciativa empresarial, un recoñecemento que, como se indica no seu nome, vai dirixido a salientar e visualizar o traballo ben feito en materia de emprendemento e innovación no ámbito da provincia. Segundo salienta a entidade que preside Valentín González, rematado o prazo de presentación de candidaturas, un total de 70 firmas optan finalmente ao devandito galardón, unha boa parte delas pertencente ao sector das novas tecnoloxías da información. Segundo explicou o presidente da Deputación, do que se trata é de "recoñecer o traballo realizado polas pequenas empresas, autónomos e emprendedores comprometidos co desenvolvemento da provincia da Coruña”. O premio será de 50.000 euros e artéllase en dúas categorías.

[ler máis]

Os directores de eldiario.es, lavozdegalicia.es e elconfidencial.com participan nun foro en Compostela


Representantes dalgúns dos medios dixitais galegos e estatais de meirande influencia na Rede participarán a semana vindeira en Santiago nunha xornada de debate acerca da cobertura informativo arredor dos conflitos internacionais. A actividade, inserida nos foros Revbela da Fundación Araguaney-Ponte de Culturas, celebrarase o xoves no Hotel Eurostars, ás 18.30 horas. Na cita participarán os directores de eldiario.es, Ignacio Escolar, da edición dixital de La Voz de Galicia, Tomás García Morán, e de elconfidencial.com, Alberto Artero. O foro será o preámbulo da entrega do Premio Revbela de Comunicación, no mesmo marco ás 20.30 horas.

[ler máis]

Os programadores poderán achegarse á realidade virtual no curso sobre Unity3D que acollerá a FIC


Será a vindeira semana, o martes 17, cando a Facultade de Informática da Coruña (FIC) celebre a xornada informativa sobre o Programa de Formación en Unity3D para Desenvolvementos en Industria 4.0. A actividade en cuestión, que será de balde e impartida por Gato Salvaje Studio (estudo de videoxogos coruñés), terá lugar na Aula de Graos da FIC ás 18 horas e, segundo informa o Colexio Profesional de Enxeñaría en Informática de Galicia, vai encamiñada a programadores informáticos profesionais de cara a ampliar os seus coñecementos ou achegarse ao mundo da realidade virtual e as contornas de simulación en 3D.

[ler máis]

A Nintendo Switch sairá á venda o 3 de marzo


A pasada madrugada Nintendo emitiu a presentación oficial da súa nova consola a través de YouTube, a Nintendo Switch, que busca deixar pegada ao proporse como a primeira grande consola híbrida entre sobremesa e portátil, e que confirman que sairá á venda o vindeiro 3 de marzo a un prezo aínda non anunciado publicamente para España, pero que segundo a información que teñen en distintas tendas sería de 329,95 euros, polo que sería máis cara que a Xbox One e a PlayStation 4, o que dá que pensar que terá un inicio lento, e haberá que agardar á afastada campaña de Nadal para poder ver se realmente esta nova máquina consegue o éxito que moitos confían que acade.

[ler máis]

Mar Castro presenta en Lugo os seus libros sobre NETiqueta


Mar Castro, experta lucense en novas tecnoloxías, estivo este mércores no consistorio da súa cidade na presentación das súas últimas publicacións ao respecto da comunicación dixital, NETiqueta. Comunicación en Entornos Digitales e Etiqueta & NETiqueta. Generación Digital. Trátase, segundo se fixo saber no acto presidido pola alcaldesa Lara Méndez, dos dous primeiros libros en castelán sobre #NETiqueta (conxunto de boas prácticas para a comunicación dixital efectiva e humanizada) publicados por Nova Galicia Edicións.

[ler máis]

DiRT SHOWDOWN pode conseguirse de balde na Humble Store


A tenda dixital de xogos para ordenador da iniciativa Humble Bundle, a Humble Store, está a celebrar as súas rebaixas se inverno, na que ofrecen importantes descontos en xogos como Rise of the Tomb Raider, DOOM, Deus Ex: Mankind Divided, The Witcher 3, Homefront: The Revolution, Dishonored 2 ou incluso o último Call of Duty, e para animar aos potenciais compradores a que as coñezan están a ofrecer por tempo limitado o xogo DiRT SHOWDOWN totalmente de balde.

[ler máis]

Toontastic 3D, unha nova aplicación infantil para que os cativos conten historias


Google presentou hoxe unha nova ferramenta de creatividade deseñada especialmente para nenos, a aplicación móbil para contar historias Toontastic 3D, que podemos descargar de balde de Google Play e da App Store, e que busca inspirar a imaxinación de millóns de cativos de todo o mundo para que creen a súas propias historias.

[ler máis]

Consumer Reports considera solucionados os problemas de batería dos novos MacBook Pro


Durante o Nadal causou bastante rebumbio o feito de que Consumer Reports desaconsellase a compra dos novos MacBook Pro por considerar que a resposta da súa batería é inconsistente, cando os modelos de anos anteriores eran dos equipos portátiles con mellor autonomía do mercado, o que levou a Apple a analizar o acontecido, e tras lanzar un parche o 9 de xaneiro dende Consumer Reports volveron a avaliar a autonomía dos MacBook Pro, atopando que os fallos detectados estaban solucionados, de xeito que xa se atreven a recomendar estes portátiles.

[ler máis]


· O CPETIG critica o que considera un novo caso de discriminación da Informática no emprego público

· Ábrese a inscrición para a vindeira edición de Coruña Bloggers

· As asociacións de Mos estrean plataforma común de comunicación dixital

· DICO Summit 2017 premiará o noso talento novo en materia de creatividade dixital

· Proseguen as xornadas sobre simulación e Industria 4.0 impulsadas por GAIN, CESGA e CIS Galicia

· DICO Summit 2017 xuntará nun dos seus paneis a catro especialistas referenciais en realidade virtual

· Orange dotará aos centros educativos galegos de conexións á Rede a até 500 Mbps

· For Honor celebrará unha beta pechada a finais de mes

· Obama despídese da Casa Branca cunha visita en realidade virtual

· Foz presenta aplicación turística para dispositivos móbiles

· A Fundación Telefónica porá en marcha este ano 140 novas Lanzadeiras de Emprego

· Denuncian a existencia dunha suposta porta traseira en WhatsApp

· Gran presenza das TIC entre as 70 firmas que optan ao premio empresarial da Deputación da Coruña

· Os directores de eldiario.es, lavozdegalicia.es e elconfidencial.com participan nun foro en Compostela

· Os programadores poderán achegarse á realidade virtual no curso sobre Unity3D que acollerá a FIC

· A Nintendo Switch sairá á venda o 3 de marzo

· Mar Castro presenta en Lugo os seus libros sobre NETiqueta

· DiRT SHOWDOWN pode conseguirse de balde na Humble Store

· Toontastic 3D, unha nova aplicación infantil para que os cativos conten historias

· Consumer Reports considera solucionados os problemas de batería dos novos MacBook Pro

· FITUR recoñecerá a aposta de Santiago polo turismo TIC

· A UVigo lidera o proxecto de creación da primeira plataforma de cursos en liña de Marrocos

· O CPEIG co-organiza o congreso María Pita DefCon

· HTC presenta novos smartphones sen conector para auriculares

· A Lily Camera non verá a luz

· Bota a camiñar este sábado o programa Trekker Monte Pindo

· A presidenta de Chile acode á posta en marcha da plataforma da Bolsa de Emprego desenvolvida por Altia

· Maldita Castilla EX chega a PlayStation 4

· Halo Wars 2 terá unha beta multi-xogador este mes

· Huawei xa vende máis que Samsung en España