DICO Summit 2017 xuntará nun dos seus paneis a catro especialistas referenciais en realidade virtual
luns, 16 de xaneiro do 2017
- Un exemplo da actividade desenvolvida por Studio Distract
Seguimos a falar do
gran evento tecnolóxico-audiovisual da tempada, tanto a nivel galego
como estatal, o
congreso DICO Summit 2017 que se celebra o dÃas 24 e 25 de
xaneiro no edificio CINC da Cidade da Cultura xirando arredor da
potencialidade dos contidos dixitais. Se
os dÃas pasados incidimos nos obxectivos xerais do evento,
paseniño pero sen pausa as entidades organizadoras (Clúster TIC de
Galicia, Clúster Audiovisual de Galicia e axencia AMTEGA) vannos
desvelando detalles concretos sobre o programa. Un programa, por
certo, de gran interese para os profesionais dos dous sectores
maioritariamente implicados, o audiovisual e as novas tecnoloxÃas da
información, pero tamén para estudantes e representantes dos
múltiples eidos de actividade empresarial onde os contidos dixitais
poden bater forte e incentivar competitividade (literalmente todos os
sectores). Segundo
vén de informar a organización, o programa contará coa presenza de
catro especialistas internacionais e animación, videoxogos e
realidade virtual. Intervirán ao abeiro do panel Os contidos
dixitais gañan a partida.
Falamos de Simon Smith
de Studio Lidell, Steve Hanton de Studio Distract e Luca Conesa de
MefistoFiles e Luigi Renna, integrante da Comunidade VRManchester,
moderados polo director de Innovación Digital de Mardy Bug, Enrique
Parga. Todos eles conformarán unha das seis mesas que están
previstas para a primeira xornada do encontro internacional, DICO
Summit 2017.
- Traballos levados a cabo por Studio Lidell
Simon Smith, explican
os organizadores, é un profesional con 15 anos de experiencia na
industria do videoxogo en deseño, produción e desenvolvemento de
negocio. A dÃa de hoxe traballa en aplicacións de realidade virtual
e aumentada en Studio Liddell. Esta empresa, radicada en Manchester,
atesoura máis de 20 anos de traxectoria e conta na súa carteira de
clientes con empresas como Disney, BBC, Sony, Ferrari, Pfizer ou
Adidas. Asemade, Simon Smith forma parte de Gameopolis, unha rede
para a promoción e contacto entre os axentes da industria do
videoxogo en Manchester.
Pola súa banda, Steve
Hanton é director de Studio Distract, empresa dedicada á dirección
e produción de animación que traballa para entidades como
Disney/Pixar, BBC, Hasbro ou o Servizo Nacional de Saúde (NHS) de
Reino Unido.
Luca Conesa, pola súa
parte, é un desenvolvedor de aplicacións de realidade virtual a
través do seu proxecto MefistoFiles, coñecido pola aplicación
ApneaVR que detecta a respiración e pasos do usuario no mundo real
para transportalo ás profundidades subacuáticas. Ademais, é
co-organizador do VRManchester.
Por último, Luigi
Renna forma parte da organización de VRManchester, unha comunidade
con máis de 400 membros formada por desenvolvedores e entusiastas
interesados na realidade virtual en Manchester e a súa zona de
influencia, que se reúnen para compartir experiencias ao redor desta
temática.