O DOG publica o decreto que facilita a dotación de servizos dixitais nos edificios públicos
mércores, 10 de febreiro do 2016
O Diario
Oficial de Galicia publica hoxe o Decreto 11/2016 do 28 de xaneiro que asegurará que os edificios da
Administración xeral e as entidades instrumentais do sector público autonómico
de Galicia conten coas infraestruturas necesarias para as comunicacións
internas e o acceso aos servizos de telecomunicacións.
Con esta norma búscase
garantir que os edificios públicos estean dotados do equipamento preciso para
ofrecer uns servizos dixitais de calidade coas máximas garantÃas de
seguridade e dispoñibilidade. É un decreto fundamental para poder avanzar cara
edificios intelixentes, conectados a redes utrarrápidas, enerxeticamente
eficientes e adaptados a servizos en mobilidade.
Trátase dunha norma que acompaña á implementación de servizos dixitais en todos
os ámbitos que está a impulsar o Goberno autonómico dentro da Axenda Dixital de
Galicia 2020: consolidar a eAdministración, proporcionando servizos online cada
vez máis rápidos, sinxelos e eficaces; avanzar cara o expediente xudicial
electrónico, simplificando a tramitación e axilizando os procedementos,
potenciando a relación telemática entre os distintos axentes; continuar o
proceso de transformación do sistema educativo galego, coa dixitalización das
aulas e os contidos dixitais; a evolución das iniciativas de eSaúde e a
prestación de servizos sanitarios no Fogar Dixital.
Este decreto é o segundo desenvolvemento normativo derivado da Lei 3/2013, de
impulso e ordenación das infraestruturas de telecomunicacións de Galicia, que
estableceu o marco legal para garantir un desenvolvemento áxil, ordenado,
eficiente e respectuoso co ambiente das infraestruturas de telecomunicacións.
Requisitos para edificios de nova construción e inmobles existentes
No caso de edificacións de nova construción e de reformas substanciais, o
decreto contempla a inclusión no deseño arquitectónico das infraestruturas de
obra civil e outros elementos precisos para soportar os sistemas de
telecomunicacións. Esta medida evitará a necesidade de realizar obras de
adaptación unha vez concluÃdo o inmoble, o que suporá un importante aforro.
Por outra banda, o decreto regula as prescricións de deseño,
instalación e verificación que deberá cumprir calquera proxecto de implantación
de infraestruturas de telecomunicacións en inmobles existentes.
Estas determinacións e prescricións técnicas teñen como finalidade racionalizar
e homoxeneizar a calidade das instalacións para aumentar a dispoñibilidade dos
servizos á vez que se optimizan os custos. Estes requirimentos serán
concretados na GuÃa de especificacións
dos sistemas de telecomunicacións que se elaborará nun prazo máximo de seis
meses dende a entrada en vigor do decreto e que tratará polo miúdo cuestións
como:
- Criterios de deseño e dimensionamento
das infraestruturas de telecomunicacións a instalar nos edificios públicos que
se constrúan ou remodelen.
- Especificacións técnicas dos elementos
das infraestruturas, requisitos de instalación dos mesmos e procedementos de
verificación posteriores.
- Documentación técnica que debe xerarse
no proceso de instalación.