Rayman estrea xogo para iOS
mércores, 19 de setembro do 2012
- Rayman deberá recoller todos os lumis que aparecen no seu camiño
Adiantándose á súa data de lanzamento prevista para mañá, chegou
á App Store o xogo Rayman Jungle Run,
xogo inspirado en Rayman Origins,
pero que adapta o seu sistema de control a dispositivos táctiles como o iPhone
ou o iPad, soportando tamén as súas pantallas Retina, polo que amosa uns
gráficos bidimensionais de grande calidade, que xunto cunha música cativadora
fai que este tÃtulo sexa do máis recomendable para público de todas as idades.
Rayman Jungle Run permite gravar as
partidas na nube, compartir puntuacións en GameCenter e desbloquear fondos para
o noso dispositivo móbil, elementos que non fan máis que enriquecer un
excelente xogo que respecta a esencia do Rayman
Origins de consolas, simplificando o seu control para que só premendo sobre
a pantalla podamos saltar, voar, correr por paredes ou lanzar puñazos para
superar as divertidas e orixinais fases que instan ao usuario a volver a
xogalas ata conseguir recoller todos os lumis
repartidos por cada nivel para conseguir unha puntuación perfecta. Toda unha
xoia que está á venda por 2,39 euros.
Trailer de Rayman Jungle Run
- Premendo na pantalla poderemos facer que Rayman salte, voe, corra polas paredes e dea puñados a través de divertidos niveis
- Os gráficos do xogo están moi coidados, e aproveitan a resolución das pantallas Retina