Un relatorio na Coruña analizará as chaves para ter un blog de éxito
venres, 23 de xaneiro do 2015
O espazo de coworking
sito na Avda. Novo Mesoiro da Coruña, WeKco, dentro dos seus CoworkingDays vai acoller o vindeiro
xoves, 29 de xaneiro, de 20:00 a 21:15 horas, un relatorio de balde de Manolo RodrÃguez, xornalista de
La Opinión A Coruña e autor do blog
Desenredandolared (con popularidade dabondo para figurar entre as 100 páxinas web galegas máis populares
segundo Alexa), quen detallará as Claves
para ter un grande blog.
Os interesados en iniciar un blog persoal ou corporativo, poden acudir para aprender
por onde comezar, coñecer algúns trucos para que os contidos consigan
popularidade e manteñan o interese co tempo, facilitarlle a elección da
plataforma na que publicar un caderno de Internet ou incluso ver algunhas
fontes a través das que podemos conseguir imaxes de balde para publicar na web.
Esta actividade vai dirixida a calquera que estea interesado no mundo dos
blogs, que de querer profundar neste ámbito deberá inscribirse anticipadamente, dado que o evento
ten limitada a asistencia a só 20 prazas.
- Manolo RodrÃguez é xornalista en La Opinión A Coruña e ten un blog persoal de bastante éxito