Windows 10 xa está dispoñible para a súa descarga
mércores, 29 de xullo do 2015
Tras
numerosas versións de proba que pasaron por centos de milleiros de usuarios
hoxe chegou o dÃa decisivo para o novo sistema operativo de Microsoft, e dende
a pasada madrugada está dispoñible a actualización de Windows 7/8.1 a Windows
10 de balde, de xeito que moitos dos usuarios que reservaron a súa actualización xa poden gozar do novo sistema,
aÃnda que moitos outros deberán agardar a que no seu equipo apareza a
notificación correspondente que lles indique que poden proceder á
actualización, xa que Microsoft quixo que o espallamento desta actualización
fose progresivo para evitar colapsos nos seus servidores.
A
actualización de balde a Windows 10 está xa dispoñible para 190 paÃses,
afectando inicialmente ás versións Home e Pro dos Windows anteriores, ou sexa,
que os usuarios corporativos teñen o seu propio calendario de actualizacións.
Estamos ante un grande cambio para os sistemas informáticos de todo mundo, asÃ
como para Microsoft, que adopta agora unha nova polÃtica de actualizacións,
confiando en que poidamos dicir adeus a un novo Windows cada 2-3 anos por
apostar por actualizacións constantes de Windows 10, que facilite a posta ao
dÃa de centos de millóns de ordenadores de todo o mundo e fuxindo asà dos
problemas provocados polo atoamento en vellas versións de Windows que xa
carecen de soporte (como acontece con Windows XP).
Windows 10 non só será un
sistema operativo máis actualizado e seguro, senón que tamén incluirá novidades
moi interesantes, como un novo menú de inicio que mestura o menú clásico de
Windows 7 co novo sistema de menús de Windows 8, permite o uso de escritorios
virtuais, inclúe a tecnoloxÃa de identificación Windows Hello (compatible con
distintos sistemas de identificación biométrica), fai doado o control de Windows
mediante distintos métodos de entrada (voz, lapis dixitalizadores, pantallas
táctiles...), inclúe o potente asistente persoal Cortana (que leva tempo evolucionando
en Windows Phone e que pode mudar significativamente o xeito de interactuar co
noso equipo), o novo navegador Microsoft Edge (que non se limitará a suceder ao
Internet Explorer, senón que aspira a superar a Firefox e Google Chrome en
rendemento e cota de mercado), mellórase a integración coas plataformas de
videoxogos de Microsoft, facilÃtase o traballo en combinación con dispositivos
móbiles, intégranse novas aplicacións de produtividade e lecer... en
definitiva, serÃa un importante paso adiante para Windows, que dende hoxe xa é
unha realidade.
AÃnda que o máis recomendable para instalar Windows 10 é agardar a que o
sistema se actualice de xeito automático, Microsoft xa conta na súa páxina web
cunha ferramenta
para poder crear un USB ou un DVD de instalación ou incluso para actualizar
directamente a Windows 10 sen esperar á actualización automática. Se
optamos pola gravación da imaxe de instalación de Windows 10 nun dispositivo
externo poderemos aproveitala para instalar o sistema noutros equipos ou tamén
gardala de reserva por se nalgún momento é preciso facer unha reinstalación
dende cero.