CIS Galicia organiza este mes unha xornada sobre a potencialidade empresarial do deseño virtual

O Centro de Innovación e Servizos de Galicia (CIS Galicia) vai desenvolver este mes de febreiro unha interesante xeira de traballo, divulgativa e formativa, sobre os novos camiños que se abren, competitiva e produtivamente, grazas ás novas tendencias do deseño industrial e a construción dixital de novos contornos. Falamos da xornada Oportunidades do deseño virtual na empresa galega, que se vai celebrar o vindeiro día 23 na sede de CIS Galicia en Ferrol. O encontro servirá, entre outras cousas, para que o centro galego dea a coñecer os seus servizos no ámbito da realidade virtual e para que as empresas Edigal, Emetel, Oídos Digitales e Tournride amosen polo miúdo as súas experiencias de colaboración con CIS Galicia.
A xornada desenvolverase entre as 10.20 e as 12.00 horas. Aínda que a inscrición é gratuíta é preciso cubrir un formulario na páxina web do centro de I+D. O obxectivo da xornada, de xeito específico, é dar a coñecer ás empresas galegas a potencialidade das ferramentas de deseño industrial e a realidade virtual como elemento de axuda á toma de decisións na mellora da produción. A continuación damos conta do programa:
· 10: 20 Benvida e presentación da xornada.
· 10: 30 A Realidade Virtual aplicada á empresa: Utilidades prácticas. José Luis de Nicolás. CIS GALICIA
· 11: 00 Ferramentas de apoio do Deseño para a actividade empresarial. Jul Díaz Otero. ECOSISTEMAS 3D
· 11: 30 Experiencias de empresas: EDIGAL: deseño de produto apoiado en ferramentas 3D. Iago Martínez. EMETEL: Solucións de Marketing Dixital para a empresa. Rafael Ave. OIDOS DIGITALES: deseño de produto, deseño de marca, e actividades comerciais apoiadas por ferramentas de deseño e simulación virtual. José Caballero. TOURNRIDE: un deseño sostible. Alberto Pampín.
· 12: 00 Preguntas e conclusións