Vodafone amplía as súas tarifas para colectivos vulnerables aos pensionistas

Vodafone anuncia que a partir do 1 de febreiro renova as súas tarifas sociais dirixidas a colectivos vulnerables, incluíndo máis datos e ampliando o seu alcance a pensionistas. Concretamente o operador ofrece 2 tarifas específicas para mozos menores de 30 anos en busca activa de emprego, familias beneficiarias do Ingreso Mínimo Vital e, a partir de agora, xubilados ou pensionistas maiores de 65 anos cuns ingresos que non superen os 9.727,54 euros ao ano (condicións que cumpren preto de 4 millóns de persoas en España).
A tarifa principal comercializada sería Vodafone Conectados móvil, que inclúe 30 GB de datos e chamadas nacionais ilimitados por 10 euros/mes, mentres que para quen queiran tamén conexión no fogar teñen a tarifa Vodafone Conectados convergente, que ofrece 30 GB de datos, chamadas ilimitadas no móbil e, no fogar, un router 4G para navegar de xeito ilimitado por 25 euros/mes (asumindo Vodafone os custos do equipo e do seu envío).
Os beneficiarios destas tarifas deberán renovalas cada 12 meses acreditando que cumpren as condicións para poder contratalas.