Zuckerberg resta credibilidade a todo o que di Musk sobre o seu combate

Levamos semanas co suposto combate de artes marciais mixtas entre Elon Musk e Mark Zuckerberg, pero na última semana quedou tan claro que Musk só sabe por desculpas e inventar cousas non só para adiar o enfrontamento, senón para manter a atención sobre o mesmo con propostas cada vez máis absurdas, que finalmente Zuckerberg tivo que saír á palestra, primeiro para asegurar que Musk non paraba de mentir sobre o tema, e finalmente para asegurar que é o momento de pasar do tema.
Zuckerberg lembra que propuxo unha data real para o combate, ao que Musk nunca chegou a responder, para logo comezar a acumular escusas para adiar o combate, como que ten que someterse a unha cirurxía menor que precisará de meses de recuperación, inventar que o combate se realizaría na Antiga Roma (involucrando incluso a políticos italianos), e agora chegando incluso a suxerirlle a Zuckerberg que fixesen un asalto de práctica na súa casa (onde instalou un octógono no xardín).
O máximo responsable de Meta dá por feito que Elon Musk non está a tomarse o asunto en serio, e considera que o combate non vai ter lugar nunca. Pero mantén a súa dispoñibilidade por se algún día Musk ousa enfrontarse a el nun evento oficial (para o que contan co apoio do presidente da UFC para organizar un acto benéfico).
Musk respondeu chamando cobarde a Zuckerberg, cando está claro que a situación é a contraria, sendo Musk o instigador inicial do combate e a única parte que evitaba a súa concreción.