Esta mañá espertamos coa lutuosa nova do pasamento de Mario Tascón, un xornalista considerado pioneiro na creación de páxinas web de medios de comunicación en España, sendo o responsable da creación de elmundo.es e pasando logo a traballar para El País para tentar emular o seu logro.
Tascón foi todo un referente do sector en España, con grande participación en eventos en Galicia, como o Congreso Iberoamericano de Xornalismo Dixital, sesións organizadas polo Consello da Cultura de Galicia, o evento de redes sociais InLugo e, de xeito moi salientable, os encontros #NeThinking que converteron a Illa de San Simón na Illa do Pensamento.
O xornalista ponferradino finou esta madrugada en Bos Aires, onde se atopaba para impartir unha serie de conferencias, ao non ser quen de superar un accidente cerebrovascular. Os medios de comunicación e xornalistas que coincidiron algunha vez con esta figura do xornalismo dixital español están a amosar masivamente o seu pesar pola perda dun profesional tan relevante cando só tiña 60 anos de idade.
Pesar polo adeus de Mario Tascón
Compartir Este Artigo
-PUBLICIDADE-
- Preto do 70% das empresas tecnolóxicas galegas emprega a intelixencia artificial ou incorpóraa aos seus produtos e servizos
- A Xunta e as empresas do Novo Pacto Dixital comezan o traballo para a especialización de Galicia en Tecnoloxía
- Os centros educativos galegos poden inscribirse ata o 5 de outubro na VI edición de ‘Ciberseguridade no Cole!’
- A Xunta destaca o modelo de goberno da IA en Galicia, que garante a reserva de humanidade, a transparencia e o control dos sistemas que emprega a Administración
