Clase maxistral para formar a community managers en A Coruña

EXPOCoruña acollerá o vindeiro 26 de novembro ás 17:00 horas unha Master Class Profesional impartida polo licenciado en ciencias económicas e empresariais pola Universidade Complutense de Madrid e Executive Master no Instituto de Empresa (así coma presidente de fundador de AERCO) José Antonio Gallego Vázquez, quen durante catro horas ilustrará aos presentes sobre as diferenzas entre as distintas redes sociais, o aproveitamento do seu potencial para a captación, segmentación e fidelización de clientes, os métodos para chegar ao target obxectivo coa rede social axeitada, a creación, o coñecemento e a comunicación eficaz coa comunidade e a utilización do feedback continuo da comunidade para adaptar os procesos e servizos da empresa.
Con esta actividade profundizarase na figura do Community Manager, necesaria para velar pola reputación en liña de cada empresa, rol para o que é preciso coñecer as últimas ferramentas dispoñibles e estar en constante renovación para adaptarse a un sector moi dinámico no que algúns estiman que é unha das profesións con máis proxección futura grazas á revolución da web 2.0.
A Master Class Profesional terá aforo limitado e para poder asistir haberá que aboar 60 euros antes do 19 de novembro (80 euros despois de tal data), e sería unha actividade dirixida a directores de marketing, directores de comunicación, responsables de contido na Internet, responsables de campañas, new media managers, emprendedores, consultores… todos aqueles que desexen profundizar no manexo de redes sociais en empresas.