A CEG promove o uso de Facebook entre a PEME a través dunha xornada formativa

A Confederación de Empresarios de Galicia (CEG) e da pequena e mediana empresa (CEPYME) celebraron esta mañá en Compostela a xornada Facebook para PEME, coa que buscaban impulsar o uso das redes sociais por parte das empresas como catalizador para o seu negocio. O presidente da CEG, Antonio Fontenla, destacou que o emprego das TIC é “fundamental para as empresas e para o seu desenvolvemento”, ao que a directora de asunto públicos de Facebook España, Natalia Basterrechea, engadiu que “na difícil situación económica actual” é importante que as PEME aproveiten estas tecnoloxías.
A sesión inaugural contou coa presenza de Alfonso Cabaleiro Durán, secretario xeral de Medios; e durante a xuntanza tamén deu a coñecer a súa experiencia a responsable de proxectos e medios sociais da tenda en liña GafaVintage, proxecto que se fixera co galardón á Mellor Campaña Low Cost nos I Premios Galegos de Marketing en Medios Sociais, subliñando a proxección que acadaron grazas ás redes sociais, que permitíronlle incrementar un 30% as vendas, interactuar cos seus clientes para coñecer a aceptacións dos seus produtos, amosar as últimas tendencias, fidelizar aos clientes actuais e mellorar a captación de novos clientes.