A Xunta subministrará telematicamente información dos contribuíntes á Deputación de Ourense

A Axencia Tributaria de Galicia (ATRIGA) quere facilitar os recursos para reducir a burocracia nas administracións públicas, e tras pechar acordos coas deputacións de Pontevedra e A Coruña, asinaron hoxe o convenio de colaboración coa Deputación de Ourense, nun acto no que participaron a conselleira de Facenda e presidenta de ATRIGA, Elena Muñoz Fonteriz, e o presidente da Deputación de Ourense, José Manuel Baltar, asinantes do convenio que contaron coa presenza do director da ATRIGA, Ulpiano Villanueva.
A través deste convenio a Deputación de Ourense poderá obter directamente da ATRIGA toda aquela información de tipo económico precisa para a concesión de subvencións, axudas ou para efectuar todo tipo de contratación con particulares sen requirir tal documentación aos mesmos, o que supón un funcionamento menos burocrático e máis áxil. Por exemplo, o novo mecanismo facilitará que a Deputación de Ourense poida saber se unha entidade está ao corrente dos pagamentos coa Administración autonómica, requisito preciso para concorrer a numerosas axudas e concursos.