A Cámara de Santiago móstramos como automatizar tarefas repetitivas con novas ferramentas

A Cámara de Comercio de Santiago organiza este mes de xaneiro un novo obradoiro de transformación tecnolóxica empresarial que se dirixe a facilitar con novas ferramentas dixitais o día a día das pemes e das persoas autónomas.
O taller Automatiza tarefas repetitivas sen esforzo (Programa Kit Dixital) levarase a cabo o xoves 15 de xaneiro de 2026 a partir das 10.00 horas. Terá dúas horas de formación e celebrarase na sede da Cámara de Comercio, no Polígono de Costa Vella (República Checa 40).
Trátase dun obradoiro gratuíto e presencial que ten como obxectivo mostrar como transformar tarefas repetitivas en procesos automáticos que aforran tempo e multiplican a túa produtividade. Esta dirixido a pemes, autónomos e emprendedores.
Encádrase nas actividades das Oficinas Acelera Peme para Kit Dixital postas en marcha por Red.es, entidade pública adscrita ao Ministerio para a Transformación Dixital e da Función Pública, a través da Secretaría de Estado de Dixitalización e Intelixencia artificial, coa colaboración de Cámara de España e de entidades como a Cámara de Santiago.