King of Meat deixará de funcionar en abril

Amazon Game Studios lanzou o pasado mes de agosto o xogo de plataformas cooperativo King of Meat, con versións para PC, PlayStation 5 e Xbox Series X|S, que animaba a superar alxubes demoníacos cheos de quebracabezas, desafíos e monstros ridículos. A creatividade e as innovacións que Glowmade introduciu en King of Meat non foron dabondo para conquistar ao grande público, polo que tiveron que tomar a decisión de pechar os servidores do xogo o vindeiro 9 de abril.
Mentres os servidores estean abertos os xogadores poderán seguir gozando de King of Meat, xogo que vén de ser retirado das tendas dixitais, anunciando os seus responsables que devolverán os cartos tanto do prezo do xogo como dos paquetes de selos que podían adquirirse dentro do mesmo, procesándose estes reembolsos de xeito automático nas plataformas onde se realizasen as compras.
Cómpre salientar que este título estaba apoiado por unha forte campaña publicitaria (incluía unha colaboración con MrBeast), deixando claro que Amazon Game Studios pretendía captar un volume moi elevado de xogadores, obxectivo non conseguido, polo que non falamos dun mal desenvolvemento, senón dun produto demasiado caro de manter se non xera elevados ingresos a medio prezo.