Apple Podcasts estrea versión web

A menos dun mes do lanzamento en beta pública da versión web de Apple Maps, a compañía da mazá sorprende cunha versión web do seu servizo de subscrición e reprodución de Podcasts.
Estamos ante unha grande nova para os usuarios habituais de Apple Podcasts, que así poden trasladar a súa experiencia entre dispositivos, sen limitarse ao uso na aplicación instalada nos seus dispositivos móbiles.
Non falamos só do feito de que un usuario de iPhone poida agora escoitar os seus podcasts favoritos dende un ordenador con Windows (ou móbil con Android), senón tamén do feito de que agora estes contidos contan con enderezo na web, o que facilita compartir episodios a través de mensaxería privada e de redes sociais, e tamén convértese nun xeito práctico para acceder aos podcasts que sexan de pagamento a través da plataforma de Apple (sendo esta última probablemente a causa de que finalmente esta aplicación teña versión web, pois amplía así o alcance un servizo con potencial para xerar ingresos tanto para Apple como para os creadores de contido).