Byte, a nova aplicación móbil que busca recuperar o espírito de Vine

En 2012 naceu unha aplicación de vídeos curtos chamada Vine, que converteuse nun grande éxito, deixando clara a demanda de contidos en vídeo de pouca duración para o seu consumo ocasional e dando lugar a todo un ecosistema de creadores de contidos, viners, que convertéranse nos grandes reclamos para o uso da aplicación, pero que, ante a falta de apoio económico por parte de Twitter (compañía que mercou Vine xa nos seus comezos) decidiron abandonar a plataforma e migrar a YouTube e Instagram.
Ante a fuxida de creadores, seguida do abandono por parte dos usuarios, Twitter decidiu pechar Vine como rede social hai tres anos, pero os seus fundadores non quedaron quietos, e mentres Rus Yusupov e o tristemente falecido Colin Kroll lanzaron HQ Trivia, Dom Hofmann comezou a preparar V2, unha plataforma herdeira de Vine, pero sen relación con Twitter, que tivo numerosos problemas para o seu lanzamento, de xeito que finalmente reformulouse como Byte, aplicación que xa está dispoñible para Android e para iOS, e que recupera o concepto de vídeos de 6 segundos en bucle, que en moi pouco tempo está a ser un rebulir de contidos, confirmando que había moitos creadores que botaban en falta unha plataforma como Vine, e que non se sentían cómodos en plataformas como TikTok.
Byte permite explorar entre os vídeos curtos publicados polos usuarios, premer en gústame sobre os mesmos, subscribirse ás publicacións dos creadors, comentar e, basicamente, facer o mesmo ao que os usuarios de Vine xa estaba afeitos, polo que agora só resta agardar para ver se consegue tracción dabondo para colocarse na posición que estaba a plataforma anterior, ou convértese nunha aplicación social frustrada.