Deteñen a unha lucense por vender roupa falsificada pola Rede

A Policía Nacional detivo en Lugo a unha muller de 32 anos identificada polas iniciais M.R.S.N. como presunta autora dun delito contra a propiedade industrial. A luguesa vendía a través dunha web de poxas pola Internet produtos de marroquinería, prêt-à-porter e complementos de moda de coñecidas marcas falsificadas co que acadaba beneficios de ata un 300%.
Os axentes policiais detectaron a venda de 31 produtos falsificados procedentes de China ante a denuncia dunha prestixiosa empresa internacional, e actuaron tras determinar que a venda era unha actividade ilícita continuada.