Este verán a metade da poboación mundial terá móbil

A cantidade de usuarios de teléfonos móbiles no mundo superará os 3.000 millóns o vindeiro mes de xullo, segundo un estudo da consultora The Mobile World, de xeito que a metade dos habitantes dos planeta farían uso desta telefonía, algo que non sería posible sen a penetración espectacular que se está a acadar en países como a India ou China.
En Europa a taxa de penetración do móbil xa é superior ó 100%, pero superar os 50% a escala global marca un momento histórico, mentres continúa a progresión do mercado ó ritmo de 1.000 novos abonados por minuto que chegou ós 2.840 millóns a finais de marzo.