Estruming Days: novas xornadas con piares nas TIC e na potencialidade do noso rural
luns, 23 de setembro do 2013
- A equipa de Anias Xestión, co-responsábel da organización destes eventos tecnolóxico-culturais
O hórreo
habitábel, a xeito de suite conectada
e perfectamente equipada para levar unha vida digna
e sinxela, que descubrimos en Código Cero da man do estudo de
deseño Cenlitrosmetrocadrado, foinos preparando a nivel inconsciente
para a información que nos chega este luns do Consello
da Cultura Galega, que nos pon sobre aviso de que os vindeiros 27
de setembro, 25 de outubro e o 29 de novembro vanse celebrar en
Pontevedra unhas iniciativas para ver até onde pode chegar o
resultado de mesturar e entrecruzar dous conceptos que para moitos
aÃnda teñen algo de contraposto: TIC e rural galego. Falamos das
xornadas Estruming Days,
que se convocan por vez primeira este anos e cuxo xermolo, informa o
CCG, está no labor xerado polo equipo organizador Anias Xestión
Sociocultural) destes eventos coa mancomunidade de montes do
Salgueiral, en Pontevedra.
Aà tamén se xerou o nome destas xornadas, unha
cousa que pode semellar moi inglesa pero que non podemos esquecer que
alude a algo tan noso e identificativo das nosas xeiras no monte coma
o estrume (ou batume), que é o resultado de apañar vexetación para
estender na corte. Que ten que ver isto coas novas tecnoloxÃas? Pois
para os organizadores desta iniciativa, está claro que a Sociedade
da Información tamén está chea de batume e monte baixo para
apañar, e que moitas veces esta riqueza pode chegar a estar en
montecomún, polo que é aÃnda máis beneficiosa. Segundo explica o
CCG, o termo veu da man do colectivo de montes do Salgueiral, que
atopou sen dúbida interesantes analoxÃas entre o xeito ancestral de
xestionar o monte galego e as novas formas de crear, compartir e
divulgar coñecemento e tecnoloxÃa (moito disto hai, tamén, no
proxecto O monte é noso, do
que temos falado polo miúdo en Código Cero).
Entre as firmas convidadas a estes encontros
atopamos o devandito estudo Cenlitrosmetrocadrado, que amosará os
seus deseños exclusivos xunto con Woodglass, Saborplace, Elogia,
Orballo Innovacións Forestais ou Adegas Fermenta. Canda a eles
participarán empresas vencelladas ás novas tecnoloxÃas como o
estudio de deseño Ailalelo, centrado en aplicacións multimedia e
para móbiles e facendo especial fincapé en clientes do agro. Tamén
participa Xosé Bangueses, director do MexilOnseTuits ou empresas que
xestionan talento freelance para novas iniciativas
empresariais xurdidas dos campus ou centros de investigación.
Os eixes temáticos dos Estruming Days, como
dixemos, serán por unha banda as actividades máis propias do noso
eido rural e, pola outra, conceptos como novas tecnoloxÃas da
información, novos nichos de mercado, deseño ou proxectos
multidisciplinares.