Facebook podería estar a piques de mercar Twitter
martes, 3 de marzo do 2009
- Peter Thiel co-fundou PayPal e actualmente é un dos directivos de Facebook
O directivo de
Facebook, Peter Thiel, recoñeceu nunha entrevista para Business Week que a súa
compañía está moi preto de pechar un acordo de compra polo servizo de microblogging Twitter (que actualmente
está a empregarse por moitos usuarios en conxunción con Facebook, polo que son
unha mestura ideal).
Na actualidade están a negociar o prezo da operación, pero houbo certos
altibaixos provocados polos cambios na valoración de Facebook por parte do
mercado, o que levou a Facebook a ter que facer unha
oferta de 500 millóns de dólares na que 100 millóns serían en efectivo
(o resto, en accións) para o que Twitter quere impor certas condicións, aínda
que hai que recoñecer que a conxuntura económica actual tamén complica as
negociacións, pois as estimacións de ingresos por publicidade destas
plataformas poderían quedar en nada, de aí que algúns poidan entender a venda
de Twitter como unha ganga mentres que outros o valoren como unha operación de
risco.