Gran Turismo será de balde para PSP Go por tempo limitado

Para animar aos usuarios a adquirir a nova consolas portátil PSP Go, Sony anunciou que durante os 10 primeiros días de comercialización da consola (que sae a venda o vindeiro 1 de outubro) poderán descargar de balde o xogo completo de Gran Turismo.
O método para a adquisición deste agardado título de carreiras é un tanto curioso, de xeito que os usuarios deberán rexistrarse na PlayStation Network coa PSP Go e descargar de alí un tema de balde de Gran Turismo antes do remate do día 10 de outubro, tras o que recibirán por correo electrónico un código de promoción canxeable na PlayStation Store polo xogo completo en descarga.